31. januar 2020

car.pool er vinnarar av Vestlandssatsinga 2020

car.pool plugga i utstyret, sparka i gang festen -og serverte ein gloheit konsert utan eit
einaste keisamt sekund. Ungdommeleg energi og speleglede. Modne ferdigheter, og rå teft for å smi fram über-catchy låtar. Og på toppen ligg Ida Sofie Laland sin ville powerpop-vokal. Guts og sjarm er skrudd til 11. car.pool er ein herleg eksplosjon av 80-talls pop og moderne rock. Best servert live. For denne gjengen må ikkje berre høyrast, den må dansast med. Delegata frå dei mange festivalane på 100 Dagar var ikkje i tvil, car.pool er Vestlandssatsinga 2020.
Gled deg til å oppleva dei på Festidalen 2020!

Vestlandssatsinga, med sitt utspring i 100 Dagar, er eit fantastisk talentbyggingsprosjekt.
Her samlast ein haug seriøse arrangørar seg rundt eit band ein ønsker å gi eit karriereløft.
Desse festivalane tilbyr totalt sett enormt viktig erfaring frå festivalspeling, turnering, planlegging og økonomistyring. Og bidreg med eit trailerlass merksemd. CV-pimping delux!
Og ikkje minst; dei får vist seg for eit svært og breitt publikum sommaren igjennom.
Ta car.pool godt imot, dei kjem nemleg for å bli.

Med på Vestlandssatsinga 2020 er heiderlege:
Malakoff, Musikkfest Stavanger, Utkant, Folk og fjord, Tysnesfest, Mablis, Festidalen, Bygdalarm, Skånevik Bluesfestival, OmStock, Fest i
Vest, Den Festivalen i Vangen og Vikedal Roots Music Festival.
Tidlegare vinnarar er t.d. Kriminell Kunst, Silja Sol, Yuma Sun og I am K.

 

Fotograf: Tobias Aasgaarden